• A zona da aula ten un espazo de 12m².

• Elementos para o desenvolvemento de obradoiros: proxector e pantalla, pizarra branca.

• Mobiliario variable: mesas pregables de 1,6 e de 2,4 m. Unha vintena de cadeiras pregables.

• Zona de cociña con neveira, cafeteira, forno microondas, grella eléctrica, vaixela e cubertaría.

• Bibliotecas, tanto de libros técnicos de deseño e ilustración, como de BDs e de fanzines.

Estamos interesados en organizar cursos, obradoiros e clases maxistrais con temática creativa.

As características de cada modelo de curso serían:

• Cursos regulares: son cursos longos que se realizarían un día á semana durante un periodo determinado (todos os luns dun mes, por exemplo).

• Clases maxistrais: curso intensivo sobre un tema ou disciplina concreta. Pode facerse un sábado ou domingo en horario de mañá ou tarde, ou incluso durante todo o día se é preciso.

O espazo funciona como estudio compartido, pero as zonas de aula e estudio están separadas. Aínda así, os horarios preferentes para os cursos e actividades serían:

• Cursos regulares: de luns a venres a partir das 18:30 h.

• Clases maxistrais e obradoiros longos: sábados e/ou domingos entre as 11:00 e 14:30 pola mañá, e entre as 17:00 e as 20:30 pola tarde.

Se queres organizar un curso, obradoiro ou clase maxistral, consultanos a dispoñibilidade escribíndonos polo formulario de contacto.